هشام علي ود قلبا
“حشيدات” وليس “حشود” .. معمول ليها لجان بإشراف ولاة وقادة مناطق عسكرية .. لجان تنبثق منها لجان ، وكل اللجان عندها مباني ومكاتب وعربات ووقود وموظفين ورواتب ومخصصات .. وعشان “حشيد” وااااحد بتتخصص ميزانيات ، مواصلات وأكل وشراب ولافتات ومكبرات صوت ومسارح وعدادات “قونات” .. وميزانيات لجان تعبئة ولجان إعلام وقنوات فضائية وكاميرات وبث مباشر .. وميزانيات تأمين وحماية شرطة وجهاز أمن وجيش يقفلوا “للحشيد” الشوارع والطرقات ..
وكللللل ده مدفوع القيمة من ثروات وضرائب وأتاوات وجبايات وعرق جبين أي سوداني على وجهة الأرض .. وقلنا ما كعب خطوة كويسة لترسيخ التعبير السلمي وممارسة المدنية ..
وحشود تانية .. مرقوا من بيوتهم على شاي الصباح ، وفي منهم الأتخلى عن صف التكية وأتجاهل وجبة العدس الوحيدة في يومه ، وشال علمه كربو في بطنه الفاضية ومرق شاهر هتافه .. لا في زول ناداهم لا عباهم لا شالهم بعربية لا أداهم وجبة لا لافتة لا حق مواصلات .. إتجمعوا لا قفلوا شارع لا عطلوا مرور لا أزعجوا زول ، وبدون مكبرات حناجرهم رجفت الأرض تحت كراسي الطغاة ..
الميزانية الوحيييدة التم تخصيصها للحشود السلمية دي هي مرتبات وحوافز وعربات ووقود ووجبات عسسهم وتمن البمبان القمعوا بيه المواطنين السلميين ..
دي مناظر من الواقع .. وعقلك في راسك تعرف كللل الحاصل ده ضد منو ؟ وتعرف خلاصك.
#الثورة_مستمرة
“حشيدات” وليس “حشود” .. معمول ليها لجان بإشراف ولاة وقادة مناطق عسكرية .. لجان تنبثق منها لجان ، وكل اللجان عندها مباني ومكاتب وعربات ووقود وموظفين ورواتب ومخصصات .. وعشان “حشيد” وااااحد بتتخصص ميزانيات ، مواصلات وأكل وشراب ولافتات ومكبرات صوت ومسارح وعدادات “قونات” .. وميزانيات لجان تعبئة ولجان إعلام وقنوات فضائية وكاميرات وبث مباشر .. وميزانيات تأمين وحماية شرطة وجهاز أمن وجيش يقفلوا “للحشيد” الشوارع والطرقات ..
وكللللل ده مدفوع القيمة من ثروات وضرائب وأتاوات وجبايات وعرق جبين أي سوداني على وجهة الأرض .. وقلنا ما كعب خطوة كويسة لترسيخ التعبير السلمي وممارسة المدنية ..
وحشود تانية .. مرقوا من بيوتهم على شاي الصباح ، وفي منهم الأتخلى عن صف التكية وأتجاهل وجبة العدس الوحيدة في يومه ، وشال علمه كربو في بطنه الفاضية ومرق شاهر هتافه .. لا في زول ناداهم لا عباهم لا شالهم بعربية لا أداهم وجبة لا لافتة لا حق مواصلات .. إتجمعوا لا قفلوا شارع لا عطلوا مرور لا أزعجوا زول ، وبدون مكبرات حناجرهم رجفت الأرض تحت كراسي الطغاة ..
الميزانية الوحيييدة التم تخصيصها للحشود السلمية دي هي مرتبات وحوافز وعربات ووقود ووجبات عسسهم وتمن البمبان القمعوا بيه المواطنين السلميين ..
دي مناظر من الواقع .. وعقلك في راسك تعرف كللل الحاصل ده ضد منو ؟ وتعرف خلاصك.
#الثورة_مستمرة
