الحانوتي …
بشري علي
دا بستغل مشاعرك وحزنك وبدفعك دم قلبك لحدي تبقى عليك ميتة وخراب ديار …
الحانوتي مهنة بتكسبك ذهب في الولايات المتحدة ولهم سكة مع التهرب الضريبي …
والشغلة مكلفة من التابوت والتحنيط والورود والسيارة والصلاة والبيرة
اما الشخص الثاني الممكن يضحك عليك هو حاجة إسمها ال business developer
ديل ممكن يخلوك تشتري القطار ويستغلون نقاط ضعفك وجشعك وطمعك
بتذكر قصة لولد شاب في كندا انه طوّر برنامج لتبادل العملات الرقمية …
البرنامج نجح وأجتذب الجمهور ولكن هذا الشاب احتفظ ببيانات العملاء في سحابة خاصة وكانت فقط على جهازه المحمول
هذا الشاب ذهب في رحلة إلى الهند ومات هناك ومافي زول عارف كلمة السر ..
كثر القيل والقال ونسج الناس قصص حوله ..
هو هو مات حقيقي ام تمثيل ؟؟
لأن هناك 500 مليون دولار هي أرصدة الجمهور ظلت معلقة حتى تاريخ اليوم في ذلك البرنامج …
والسودان الآن ّيعتبر أكثر بلد عرضة للنصابين والدجالين الذين استغلوا مناخ الحرب الحالية وقدموا أنفسهم بكرامات السيد المسيح من إحياء الموتى وشفاء الأبرص وعودة البصر …
مافي زول بتقدم لوظيفة بتعمل ليهو background screening وكلهم زي المنصوري عاملين صفحات في ال LinkedInكلها طلس وكذب…
مافي زول مؤهل ، كويس ، وود ناس بشتغل تحت مناخ الإرهاب والحرب والفصل العنصري …
وهؤلاء كلهم باحثين عن فرص وعايشين على الفراغ الذي خلفته الحرب
