قدر ما حاولت اكتب في عدم الحيا المبالغ فيهو بتاع البرهان وهو بيحي الثورة بخطاب في يوم ذكراها وهو الذي يستميت ليقبرها منذ اشعاله للحرب ،، قدر ما حاولت اكتب فشلت ،،

عوض ابوشعرة
قدر ما حاولت اكتب في عدم الحيا المبالغ فيهو بتاع البرهان وهو بيحي الثورة بخطاب في يوم ذكراها وهو الذي يستميت ليقبرها منذ اشعاله للحرب ،، قدر ما حاولت اكتب فشلت ،،
دي صفاقة اكبر من قدرتي علي توصيفها فمعذرة ،،
اخيرا أستعنت ببوست الصديق محمد صلاح ،، عوض ابوشعرة
🕳️ تلف و تدور و تتقلب و تتشقلب وما تلقى نقطة بيضاء في تاريخك الوسخ كلو غير ديسمبر عشان تجي تتمحلس بيها كل ما ضاقت عليك في الداخل والخارج ..
🕳️ لكن مشكلتك ما فاهم انو المسافة من ديسمبر لا تقاس بالمكان الكنت واقف فيهو بل تقاس بمدى التزامك بشعاراتها واهدافها ..
كتار كانو واقفين هناك وهسي راقدين في حضن كرتي و احمد هارون ..
قتلت #الحرية يوم غدرت بثوارها في الاعتصام وغدرت بهم مرة اخرى في الانقلاب ..
قتلت #السلام يوم تآمرت مع الكيزان لاشعال هذه الحرب اللعينة التي مزقت السودان جغرافيا و تاريخ و وجدان ..
قتلت #العدالة يوم اخرجت البشير ونافع وهارون من كوبر و تركت لهم الخيار ما بين استراحات مروي وفلل و قصور اسطنبول ..
🕳️ وين بندقيتك و وين مجدها الزائف .. جاي تتمحلس و تتملق اللساتك الشينة ديك ..
🕳️ ديسمبر حقيقي كانت ممكن تعمل منك زول .. لكن انت اخترته انك تكون كلب للكيزان و للسلطة ..
🕳️ ذكرى 6 ابريل دي مفروض تبكيك ما تضحكك .. مفروض تذكرك قدر شنو انت كنت اناني و وضيع .. ضحيت باحلام شعب كامل في الحرية والسلام والعدالة والتنمية .. عشان خاطر تحكم وتحقق احلام ابوك ..
🕳️ التحية لديسمبر ولاهدافها وشعاراتها .. التحية لديسمبر الخلتك بعد سبعة سنين رغم محاولاتك البائسة لقتلها و قبرها .. تجي الليلة تعمل الفيديو كليب السخيف بتاعك ده ..
#كرامة_في_عينك