ممثلك الشخصي من قبل ثلاثة أسابيع في المنامة – إنت مشيت بنفسك قبل أسبوعين ، ختيت توصياتك وجيت.

هشام علي ودقلبا
– أ. صباح محمد الحسن ، فتحت فيها بلاغ عشان عرت زيارات الدسدس للأمارات.
– أول أمبارح هنا أنا كتبت (التفاوض حالياً ليس على ما يرام وتحديداً ليس على هواك) ، وده وضح من نطتك أمبارح.
– الوساطة والراعينها إتجاوزوا معاك محطة هدنة وممرات انسانية وبتكلموا عن إنتقال مدني ديمقراطي ، إنت حاولت تتحرفن وقلت ليهم (حأعمل حوار داخلي فيه النطيحة واللتيخة وما تقيأ الكلب) ، قالوا ليك (تمام أعمل حوار في الداخل بس طالما هو مدني ديمقراطي لازم يشمل كل المدنيين البنادوا بالديمقراطية ، وبشهود ورعاية اقليمية ودولية) .. لانهم حفظوك وحفظوا حوارات الداخل بتاعتك ، حاورت في مايو 2019 وختمتها بمجزرة ، ووقعت وثيقة في أغسطس 2019 وختمتها بأنقلاب في اكتوبر 2021 ، ووقعت إتفاق اطاري في ديسمبر 2022 وختمته بحرب .. تكرار حوار داخلي بدون شهود ورعاية أقليمية ودولية مافي .. طوالي تاني يوم صبحت ناطي.
– قبل عشرة ايام صرحت لشبكة MEE الأعلامية انه في تفاوض بوساطة بحرينية ، ولما عصروك نكرت التصريح فقط وما نكرت التفاوض ولا جبت سيرته بنفي او تثبيت .. وطلعوا الاعلاميين إتحدوك وقالوا تصريحك موثق عندنا ، عصرت ضنبك وعملت رايح ..
فإذا كان شبكة أعلامية خاصة عندهم ما يثبت إنك صرحت ليهم بأنه في تفاوض بوساطة البحرين ورعاية أقليمية ودولية .. هل تفتكر الوساطة والرعاينها ما عندهم ما يثبت إنك فاوضت وإنك كذاب ؟؟
هم بس مطولين بالهم عليك لأنهم عارفين إنه “درب الكلب علي الجزار” .. حتخرم من الدرب وتلف وتلف وتلف وتلف وتدور وتجي راجع للدرب.
– “مشاورات” البتقولها دي بتتم بين الناس الفي كوم واحد ، إنت البتعمل فيه ده “تفاوض” عديييل فيه أكتر من كوم .. فطالما نطيت أتشجع وسمي الحاجات بمسمياتها.
في مثل للناطقين بها بقول “مية نطه ولا خابور واحد” ، وإنت عشان خايف “الخابور” يصل كرسيك حتكمل المية نطه في سنتين تلاتة وربما أربعة ، والحيدفعوا تمن جرجرة نطيطك ده الغبش الغلابة.
نطط ونطط لمن تفتر ، “الخابور” راجيك راجيك.