عدا المؤتمر الوطني : مبارك اردول وصحبه من اراقوزات المؤتمر الوطني عاملين فيها شواطين علي أساس أنهم قادرين يخدعوا الشعب السوداني

اسامة كنينة
عدا المؤتمر الوطني : مبارك اردول وصحبه من اراقوزات المؤتمر الوطني عاملين فيها شواطين علي أساس أنهم قادرين يخدعوا الشعب السوداني والمجتمع الدوله جت ، نظام نحنا ضد البرهان وعاوزين نوقف الحرب ، يقوموا يختوا ليهم لغم ينسف كل الجهود الساعية للحلول السلمية وبكده يكونوا مرروا قرارهم باستمرار الحرب للقضاء علي الدعم السريع حتي لو يكمل الشعب السوداني كله (كما هو معلن منذ البداية)… شنو يعني عدا المؤتمر الوطني …هو المؤتمر الوطني ده زول يعني …؟… ماهو الزول الماعاوز المؤتمر الوطني يشارك بيحدد ، رموز المؤتمر الوطني ، أو قادة المؤتمر الوطني ،او رؤساء الحزب بالولايات …لكن تقول عدا المؤتمر الوطني أو عدا الحركة الإسلامية ، انت بتقصد شنو مثلاً…؟… تبعد نص الشعب السوداني والا كيف … المهم المؤتمر الوطني بيدردق الكورة وأبواق نخب دولة ٥٦ من عراصص الأحزاب تسدد في الهدف (خاصة الاتحاديين والمؤتمرجية والزملاء) ، ويبدأ الاشتباك ..يشاركوا…لا لا ما يشاركوا وتقوم الشكلة وتتفرتك الحفلة وتستمر الحرب ومعاناة الشعب باطالة امد الصراع ..ابشركم لعبتكم مكشوفة وسط الناس العاديين ووسط كل أجهزة مخابرات الدنيا …ووسط الاستخبارات السودانية ذاتها….المهم : سيفكم ده اقسم بالله انا شايفه مرتد الي نحركم لأن الوضع لم يعد كما كان قبل الحرب ، الشغل ده بجيب ليو تصفيات عدييل،اكتر مما هو جايب