
عاد لي متين .. في نحن جعافره ََ..
وانتو جعل .. وديك
شايقيه ..
عاد لي متين .. في نحن
دناقلا .. وانتو محس ََ..
وديك شكريه ..
وكلنا بي سلامتنا .. غير لفة عمامتنا ..
لا قدمنا للبشريه ..
نقطة زيت .. لا دخلنا خيط
في ابره ..
لا دخلنا ابره في خيط ..
وعاد لي متين ..
عاد لي متين .. في داك
بجاوي .. داك نوباوي
داك زغاوي
من دار فور .. وايه غير لون
طواقينا ..
لا رحنا .. ولا جينا .. .
َوعاد لي متين ..
عاد لي متين .. ده من
سنار ..
ده من مكَوار .. ده أمو من
البديريه ..
ديل من ناسنا .. ديل ماناسنا
دون اسباب كراهيه ..
نخت السفه .. فوق
السفه ..
داك غرباوي .. داك من
حلفا ..
بي القبليه .. لا قدمنا
للبشريه ..
نقطة زيت .. لا دخلنا خيط
في ابره ..
لا دخلنا ابره في
خيط ..
لا وطنيه .. لا حريه .. مات
النيل ..
علينا اسيه .. عاد لي متين ..
وعاد لي متين .. في نحن جعل
وديك شايقيه ..
عاد لي متين .. في نحن دنقلا
وأنتو محس .. وديك
شكريه ..
ولا قدمنا كلنا .. بي سلامتنا
غير لفة عمامتنا ..
نقطة زيت ..
لا دخلنا خيط في ابره ..
لا دخلنا ابره
في خيط ..
عاد لي متين …
عبدالوهاب هلاوي



