هشام علي ودقلبا
نكون جادين شوية الدنيا عيد ..
حال البرهان وقرارات الامريكان مع الكبزان ، زي قصة الأتنين الجابوهم القسم في حادث حركة ..
الضابط سأل صاحب العربية :
داقش الزول ده ليه ؟؟
صاحب العربية :
ما عاوز يزح من قدامي
ضربت بوري ما عاوز يزح
كنتكت ما عاوز يزح
كورت ليه ما عاوز يزح
أشرت ليه بيدي ما عاوز يزح
شغلت المنشات برضو ما عاوز يزح
الضابط سأل التاني : انت يا زول ما زحيت ليه ؟؟
التاني : يا سعادتك أزح وين ؟ أمرق أخلي دكاني ؟!!
#محن
