انا مني قاسم عندي إعاقة حركية والإعاقة عمرها ما كانت مشكلة المشكلة في الحواجز والتنميط وفي المجتمع البشوفنا بعين العجز

انا مني قاسم عندي إعاقة حركية
والإعاقة عمرها ما كانت مشكلة المشكلة في الحواجز والتنميط وفي المجتمع البشوفنا بعين العجز وبسأل من قدرتنا قبل ما يسمع صوتنا وبيدينا شفقة بدل ما يدينا فرصة
المشكلة في الدولة والقوانين
لكن رغم ده كله
انا بناضل وبحلم وبشتغل
وبدافع عن حقوق النساء والأشخاص ذوي الإعاقة
بقول إنو وجودنا مش استثناء وجودنا حق
الحرب في السودان وجعتنا
لكن ما سكتتنا
نحن المتألمين، لكن برضو الصامدين
اللي بنبني الأمل وسط الركام، وبنحلم بغد أحسن لكل الناس
وبنقول: “نحن هنا… ولسه مستمرين”
في اليوم العالمي للإعاقة،
أنا ما دايرة تصفيق
أنا دايرة مساواة، وعدالة، وكرامة
أنا منى وبقول ليكم
الإرادة أقوى من أي عائق… وأنا الدليل