رحلة..ريد

أنا ما رميتك… بالظنون…
أو أجرحك .ده المابكون…
هاجرت من مدن الضجيج..
كان ألقي في عيونك سكون..
***
انا ما اصطفيتك.. اعتباط….
وكم .. بعز.. الارتباط….
..لكني خايف يافتون..
يا ملهم الفن واللحون..
في اهتمامك بس أكون..
زي لمحة في..
طرف العيون ..
أو أبقي من ترف المجون..
في الريدة لاعب ..احتياط..
***ويبقى من حقي السؤال..
يا ومضة مرت في عجال..
قبال تبين لي السمات..
ليه تستهين أغلى الصلات..
مع اني أهديتك …جمال..
من خاطري في..
الزمن المحال..
وهزمت ليك سكك إرتحال…
فرشت ليك رمش الدلال..
رسمت في افق الخيال..
لى ..وصالك أمنيات..
***و شكرا كتير على كل حال….
على رحلة . الريد ..والشجون..
الفيني صدحت أغنيات..
منقوشة في وجدان حنون..
يا فرحة سكنت في العيون..
من قصة.. تحكي الذكريات….