هشام علي ود قلبا
نقيب وأبوه لواء في زمن حكومة كيزان المخلوع .. النقيب وزعوه واحد من معسكرات الخدمة الألزامية في الأقاليم ، وطبعاً مسكوه الأعاشة والمشتروات والمخزن وأدوه مكتب لذيذ ، ود اللواء مالو ومال الميدان والبيادة والجكة والغبار ..
أها صرفوا ليه 40 مليون زمن المليون يشن ويرن ، وأمر تحرك للخرطوم عشان يشتري التعيينات وأعاشة الطلبة .. جاء جمب أستاد الهلال رفع ليه كم شوال فتريتة مع كم شوال ويكة وشوال بصل ناشف وشوالين ملح وباغة زيت .. كل الحسبة دي ما فاتت 3 مليون ، وقسم 3 مليون للعساكر المعاه ، ونام بباقي القروش .. ورجعوا بالأعاشة عااادي ..
أها الخبر إتدردق إتدردق وصل قيادة الخدمة الالزامية في الخرطوم ، والقصة ماشه تجيب ليها تحقيق ومحاسبة ومحكمة عسكرية .. إتخمخموا اللواءات والعمداء مشوا لأبوه اللواء دفعتهم وأخوهم في التنظيم عشان يلموا الموضوع .. بعد ما شرحوا لسعادة اللواء الحاصل ، سعادتو بكل برود مرق دفتر الشيكات وسألهم (القروش فارقه كم؟) وروه الفرق ، أداهم شيك بالمبلغ وقاليهم (دي قروشكم رجعت ليكم ، خلو الود يتعلم) !!
هسي يا ناس أي نعم مافي زول كتب شيك لشويفع البراء ده لكن إعتبروا حفظ جزئين من القرآن زي الشيك و (خلو الود يتعلم) !!
#محن
#اي_كوز_ندوسو_دوس
