الهلالاب فرحانين شديد بقرار لجنة الاستئنافات : الهلال احرز الدوري الممتاز. 70 مرة…ايه يعني.. النتيجة شنو… صفر في البطولات. الأفريقية والعربية وسيكافا

** اتحاد جاء اصلا بالطرق الملتوية
** اتحاد لا يحترم القوانين واللوائح
** اتحاد يسمح بتسجيل 40 اجنبي في المريخ والهلال
** اتحاد فاشل بدرجة امتياز في إعداد المنتخبات الوطنية
** اتحاد يقف مع الباطل وخير مثال اتحاد الكاملين واتحاد الفاشر واتحاد الجنينة واتحاد الدويم
** اتحاد يديره شخص واحد ولا يجد من يحاسبه
** اتحاد لا يحس ولا يشعر ولا يتقدم باستقالته والمنتخبات الوطنية تخسر بالاربعات والعشرات والعشرينات
** اتحاد رئيسه مغيب تماما ولا قرار له ولا مواقف
** اتحاد حاسبه بروف كمال شداد في قضايا فساد من قبل
** اتحاد لجانه المساعدة تفعل ما يروق لها دون ضابط ولا رابط
** اتحاد يقيم بطولات دوري ممتاز غير قانونية ولا شرعية
** اتحاد يسمح بمشاركة المريخ والهلال في الدوري الرواندي والدوري السوداني
** اتحاد بهذا الشكل ماذا كنتم تنتظرون منه يا أهل القبيلة الحمراء في قضية الدوري الممتاز
** من قمنا وعرفنا الكورة ودرسنا قوانينها.. قرار لجنة الاستئنافات قرار نهائي لا يراجع الا عن طريق المحكمة الدولية والهلال كان قد ذهب للمحكمة الدولية فلماذا الاستعجال لتعود نفس اللجنة وتحرم المريخ من البطولة وتعيدها للهلال… تصورو نفس اللجنة… لجنة مشجعين.. مريخ هلال.. ناس المريخ ادو البطولة للمريخ وناس الهلال جو رجعوها للهلال… الحكاية.. مريخ هلال… كرة القدم تدار بطريقة المشجعين
** محمد حمد البشير رئيس لجنة الاستئنافات الحالي لم. اسمع به من قبل ولم اسمع بكل اعضاء اللجنة باستثناء الدخيري وعرفناه قريب
** لا تستبعد ان يكون محمد ابراهيم العليقي نائب رئيس الهلال قد لعب دورا في قرار لجنة الاستئنافات.. َهذا القرار المعيب.
** طيب اها الهلال بطل الدوري… هل يستطيع اتحاد الفشل إلغاء قراره بأن يلعب المريخ بالخرطوم في الدوري الممتاز ويعتمد الهلال للعب بالخرطوم… والمريخ يروح مروى… المريخ تم اعتماده للعب بالخرطوم بصفته بطل الدوري والان الهلال بطل الدوري حسب زعم لجنة الاستئنافات
** الهلالاب فرحانين شديد بقرار لجنة الاستئنافات….. الهلال احرز الدوري الممتاز. 70 مرة…ايه يعني.. النتيجة شنو… صفر في البطولات. الأفريقية والعربية وسيكافا
** يفترض ان يكون لمجلس المريخ موقف قوي تجاه هذا الاتحاد الفاشل َوالذهاب الي محكمة كأس وحده لا يكفي… لازام يكون في موقف قوي…. والمريخ أقوى من اتحاد لا يحترم قراراته
** اعلن انحيازي الكامل للثنائي على جعفر وايمن عدار… الثنائي ادي واجبه على الوجه الاكمل.. ما قصرَو ابدا.. عرفا المداخل والمخارج…. ولا ذنب لهما في إهدار الأهداف ولا في الهزائم التي تعرض لها المريخ .. يعني على جعفر ما راس حربة وايمن عدار ما قلب دفاع ولا حارس مرمى… نرجو ان يراجع مجلس الاداره قراره باعفاء الثنائي وان يواصلا المشوار في اداء مهامهما
** نشيد بموقف على جعفر بعد ان تسلم خطاب اعفائه
** زمان اول ما تم تعيين لجنة التسيبر الحالية. نادينا بعودة كابتن عادل ابوجريشة لإدارة الكرة بالمريخ ورفضو.. واعرف جيدا ان ابوجريشة لن يعود.. لذلك خير للاحمر ان يواصل على جعفر وايمن عدار المشوار
** نامل في وصول المدرب الأجنبي الجديد للمريخ والمدير الرياضي قبل استئناف الدوري الرواندي
** المريخ الرديف في الخرطوم بالسبت اذا لم يغير اتحاد الفشل رايه ويحول المريخ لمروي وكريمة
** عبارة مبتذلة صدرت من شمس الدين الامين في حق كابتن كريم النفطي احد نجوم كرة القدم في افريقيا ايام العهد الذهبي للكرة
** غدا المعركة الأولى بين السودان والسنغال في تصفيات بطولة الأمم الأفريقية
** يقود هجوم السودان.. ياسر مزمل وموسى كانتي وامجد قلق..
** يا حليل جكسا وماجد وعلى قافربن وكمال عبدالوهاب
** من سؤ حظنا ان معركة الغد تقام
بالعاصمة السنغالية داكار ومنتخبنا ادي مباراة ودية واحدة امام رديف الهلال
** قريبا جدا نقوم بفتح ملف استاد ارقو
.. بيوض….
** دوزي الكلفتة هل يبدأ في موعده منتصف الشهر الجاري
** جاي تترجاني اغفر ليك ذنبك
ما كفاي الشفت من نازك وحبك
انت فاكر تاني ارجعلك واعاتبك
لا لا يا ناكر
دربي أصبح ما هو دربك.. الرحمة والمغفرة لمبدعنا عثمان حسين
** اي زول ما مع الجيش.. خاين وجبان وتافه
** وخطاك والهدب المكحل وفتنة التوب الانيق
** اخر دبوس
** فرحانين بالدوري الممتاز..يا غلابة… … متين حتفرحو بكأس افريقيا
**