. صورتك أستحالة
خبأ عيونو وقال دي محالة
أني أراهو لا. لا. لا .
وأشوف عينيه الساحرة الكاحلة.
يالحارمني صورتك أستحالة
تحجب بدر الكون .. ده محالة
لو بالشوف عز وصالة
في الأحلام وقفت زيارة
قول للطيف قرب تعالا
تغيب القمرة .. يبين هلالة
نافرة الريلة ياهو حالا
لسه غرورا وفيها دلالا
أنا راضي لو بأزالة
أشوف الظبية الدوما جافلة .
ليه تحرمني جمال منزل ؟
من عند ربي بديع ومكمل .
شوفنا أليك والله طول
تبقى حياتنا حلوة وأسهل
لما نشوف عينيك في أول .
وفيها كمان نقرأ رسالة .
شمس الكون في الصبح تظهر
والبدر نوره يضوي …
كل ما ليلنا اسدل اليل .
الا عينيك الناعسه الفتر
ليها نسامر وبيها بنسكر
زي البرق القبلي نور
بس لحظات تظهر فعالة .
بخاف من عين الناس هي تصيبك
والحساد أبدا ما بتسيبك
هم عارفين أنا ليك و نصيبك
يطفي هواك نيران لهيبك
أن تطيب ويجينا طيبك
لوحة حسنك لينا زينة
وصورتك أيقونة وتبقى هي حالة .
حسن خالد حسين .
مايو ٢٠٢٥ م
