رشا عوض
انت رافع عقيرتك في الدنيا كلها انتهاكات الفاشر انتهاكات الفاشر انتهاكات الفاشر ، لما يقولو ليك تتشكل لجنة تحقيق دولية لتقصي الحقائق عن انتهاكات الفاشر حكومتك ترفض؟؟
موش انت بريء وحمل وديع وما عندك يد في اي انتهاك؟ لماذا انت خائف من التحقيق؟ ممكن تورينا سبب منطقي لرفض التحقيق في الانتهاكات وتحديد المجرمين الذين ارتكبوها وادانتهم ؟ انت خائف على منو بالضبط ؟
عندك شنو خائف انو يتكشف في التحقيق الدولي؟
انت موش عاوز ادانة دولية للد.عم السريع وعقوبات له على الانتهاكات ؟ طيب عشان دا يتم لازم تحقيق مهني وشفاف يكشف كل جريمة وسياقها وكل الملابسات المحيطة بها ، يعني ما في عقوبات ممكن الخواجات يبنوها على اساس لايفات الانصرافي وابو رهف وخطب الناجي مصطفي واغاني ندى القلعة .
رفضك للتحقيق الدولي معناها انت متورط في حاجة كبيرة لي موضوع الفاشر دا خايف تتكشف !! ما عندها تفسير غير كدا ابدا !
والاخطر من كدا استخفافك بحقوق الضحايا في الوصول للعدالة وتعاملك مع الانتهاكات كعدة شغل سياسي فقط وليس كقضية انسانية
