*الحُب في زمن الحرب..!*..
بقلم / عادل سيدأحمد*
الحلقة “6””:
*القونة والقائد..!*
واي واي حميدتي الضكران..
وا سجمي دا الخوف الكيزان..
الله لي مِنو غيرو منو فارس السودان..!!
…………………………….
استهلت (القونة رترته)جلستها في حضرة قائد الدعم السريع ب(سنكات)،بهذا الابتذال..مقتديةً برفيقة (نضالها)،من أجل (الدولار)،ندى القلعة،
حينما امتدحت (شريف نيجيريا)،بما لم يقله المُتَنَبِّي أمام سيف الدولة..
فالمُتَنَبِّي كان يمتدح برصانة،وليس بنتانة..!..
أنظر إلى هبوط الفن وتفاهة التعبير الرخيص مقابل الدولار:
الشريف مبسوط مني..
عشان بريد فني..
الليكزس هدية..
ما علاقة شخصية..!.
………………………..
أنا بعتذر لكَ يا خليل فرح..وأنت القائل:
*وللبخوض صفاك عزة نحن النبال..*
*عزة ما بنوم الليل محال..*
*وبحسب النجوم فوق الرحال..*
*خلقة الزاد كمل وأنا حالي حال..*
*متين أعود وأشوف ظبياتنا الكحال..*
*عزة ما سليت وطن الجمال..*
*ولا أبتغيت بديل غير الكمال..*
*وقلبي لي سواك ما شفتو مال..*
*خذيني باليمين وانا راقد شمال..*
*عزة في حذا الخرطوم قبال..*
*وعزة من جنان شمبات حبال..*
*وعزة لي ربوع اُم دُر جبال..*
*وعزة في الفؤاد دوا يشفي الوبال..*
………………………..
ووا فضيحتنا يا إدريس جماع،وأنت صاحب الغزل الرفيع والكلم البديع والوصف المنيع..
ذهبت أنت يا نحرير الحلفاية،،وبقيت كلماتك حية،حيث تغنى بها قبل أشهر الفنان الكبير محمد عبده:
*أعلى الجمال تغارُ منا..*
*ماذا عليكَ إذا نظرنا..*
إلى أنْ يقول:
*أنتَ السماءُ بدت لنا..*
*واستعصمت بالبُعد عنا..*
…………………………….
أرجوك تقبل اعتذارنا يا الهادي آدم..فقد تغنت سيدة الغناء العربي بحلو نظمك:
*هذه الدنيا كتابٌ أنتَ فيه الفكرُ..*
*هذه الدنيا ليالٍ أنتَ فيها العمرُ..*
*هذه الدنيا عيونٌ أنتَ*
*فيها البصرُ*.,
*هذه الدنيا سماءٌ أنتَ فيها القمرُ..*
……………………………
عفواً أُستاذنا الكبير الطيب صالح،والله العظيم لسه ما عرفنا:
من أين جاء هؤلاء..؟!.
……………………………
معليش،،دعونا نعود إلى الهبوط الاضطراري،
ومخلفات كيزان السجم(قونات ولواءات الزمن الرديء)..!!.
…………………
(رترته)بعد أنْ تغنت بواطي الفن..
وقد (نقطت)لها زوجة قائد الدعم السريع بسنكات..!!.
#عاجلها القائد قائلاً:
ندى القلعة صاحبتك؟!.
*فأجابت بشيء من الخجل والوجل:ايوه..ليه في حاجة؟!.
#فطمأنها بسرعة:لا..لا..
نحن بنحبها وبنسمع غُناها..!.
*اِرتاحت القونة (رترته)..
ثم أردفت:ندو قاعدة معاي في البيت..
قبل يومين عملت ليها حفلة كاااااااربة ومحضورة ..!..
……………………………
(رترته)استطاعت ب(يدا وشديدا)أنْ تصبح رئيس (إتحاد قونات) البحر الأحمر..!.
وقد قامت مؤخراً بتكريم (ندى القلعة)..
وفي ختام كلمتها (الخارم بارم)،قالت:(من اليوم دا ندى حا تكون في حفل “التأبين “دا،الرئيس الفخري للقونات)..!.
قالت “تأبين”،وكانت تقصد (تدشين)..!..
وقالت (قونات)،،وهي متخيلة أنها كلمة جديدة جميلة..!.
………………………….
غايتو السودان الدخلتو كبييييييييييييييرة..!.
………………………………
شكيناكم على الله يا كرتي..!.
…………………………..
*عادل سيدأحمد..*
*رئيس تحرير وكاتب سوداني..*
