في استماته شديدة جدا لدعم د محمد الامين اسماعيل ،، من الفلول تحديدا ،، وفيهم متعلمين وبروفايلاتهم اخر بدل وكرفتات

عوض ابوشعرة
في استماته شديدة جدا لدعم د محمد الامين اسماعيل ،، من الفلول تحديدا ،، وفيهم متعلمين وبروفايلاتهم اخر بدل وكرفتات ،، مستميتين في الدفاع عن شيخهم ،، ولموا في عنق الحقيقة ده لما قرب يتكسر ،، كل ده لاثبات ان ما قاله د محمد الامين اسماعيل هو عين الصواب ،،
وانا عايز اسأل أي حد مصدق انو الحرب دي اشعلها الشعب السوداني بأبتعاده عن الدين ،، واقول ليه في زمتك انت مصدق الكلام الكاتبو ده ،، ؟
لكن كمان خلونا نحنا زاتنا نصدق بس بعد اجابة كم سؤال كده لهؤلاء القوم ونقول ليهم الابعد الشعب السوداني عن الدين منو ،، ده لو سلمنا جدلا بصحة الاختراع الجهبوز لفك الزنقة والصادر في تصريح ( لعالمكم ) المبجل د محمد الامين والقائل بأننا نحن النازحون والمشردون قد اشعلنا الحرب ،،
نحنا قبل الانقاذ كنا صادقين وامينيين ومتسامحين ومتكافلين وعايشين في امان اجتماعي من كل القبائل ،، والحصل ده من تحت راس مشروعكم الحضاري الذي كان في الاساس مشروع تجارة بالدين لا اكثر ولا اقل ،،
الكذب علي الشعب بدا من اول يوم لما الترابي فتح باب السجن ودخل براهو والبشير مشي القصر ،، وعينك بعد كده ما تشوف الا النور ،، ومن ديك وعيك في البلد والناس لغاية ما وثلونا لمرحلة ما قبل الدمار الشامل بي بنط ،، ،،
الكلام ده تقنعنوا بيهو الرعاع والقطيع ،، فما قاله شيخكم المبجل فضيحة ،، لانو كل الناس عارفه ان ما يحدث صراع علي السلطة بعد ان اعتقد الاسلاميين ان البلد حقتهم خلاص ،،
كان ممكن اكتب تفاصيل كتيرة عن الفساد والارهاب والاجرام واشعال الحروب والفتن القبلية ،، بس كل ده بقي معروف ،، واكاد اجزم ان أي بدلة وكرفتة في بروفايل دعمت خزعبلات شيخ محمد الامين بكون عارف كل ده ،، انما اكل العيش مر ،، وكل امل هؤلاء فيما يكتبون ان يشتروا المزيد من البهايم بجنس الدعم الفالصو ده ،،
#ماعدا_الكيزان_ومليشياتهم