البرهان عاوز يفاوض ، وفعلياً فاوض ألف مرة ، ولسه حيفاوض وينكر ، وحيفاوض ويتدسدس ، وحيفاوض وينط .. لا هو راجل حرب يحسم ، لا هو رجل سلام .. هو زول حكم وبس

هشام ود قلبا
جملتين إتقالوا في نفس الوقت ..
– مندوب البرهان في مجلس الأمن :
(اليوم تم إرسال “جدول الأنسحاب المعدل” للسيد مسعد بولس)
يعني في جدول سابق الامبارح ده “المعدل” ، يعني في تفاوض وأخد ورد ومقترحات ماشه وردود جايه وشيلك وختك ..
– وفي نفس التوقيت البرهان :
(الحرب بتنتهي فقط بأنتصار عسكري وتفكيك المليشيا)
البرهان عاوز يفاوض ، وفعلياً فاوض ألف مرة ، ولسه حيفاوض وينكر ، وحيفاوض ويتدسدس ، وحيفاوض وينط .. لا هو راجل حرب يحسم ، لا هو رجل سلام .. هو زول حكم وبس .. يحكم منو ووين وكيف وبياتو تكلفه ما مهم طالما فاتورة التكلفة بدفعوها المحكومين غصب.
#السجمان