شايف عبد الله سليمان قطع الشك باليقين، وقال إنو عثمان فضل الله بتموّله تأسيس عبر أحمد يونس وأحمد خليل.

شايف عبد الله سليمان قطع الشك باليقين، وقال إنو عثمان فضل الله بتموّله تأسيس عبر أحمد يونس وأحمد خليل.
هو ما عارف إنو الجماعة قبله رفعوا السقف ووصلوها الإمارات والاستخبارات والمنظمات.
القريب منو يكلمه ويقول ليه:
“ياخ نحن الـ “الاسكيل” بتاعنا بقى أعلى من قصة تأسيس. الجماعة ودّونا قدّام، إنت عايز ترجعنا ورا كده ليه؟”
المهم…
ما عارفينها:
هي (أفق جديد)
ولا ميزانية طوارئ الأمم المتحدة؟
كسرة:
يا “الأحمدين”، بالله ادونا قروشنا… ما تاكلونا.
عموماً، لما الجماعة ديل يصلوا البنك الدولي وصندوق النقد الدولي والموساد والسي آي إيه… بالله صحّوني عشان أطلع من تحت بطّانيتي دي وألمّ قروش تمويلي.
وبس.
#اللهم_لا_ترفع_للكيزان_راية_ولا_تحقق_لهم_غاية_واجعلهم_للعالمين_عبرة_وآية
#حرب_الندامة
#SaveSudan
#stopthewar