جماهير الفلول والقونات واللايفاتية ومقدمات البرامج فى تلفزيونات بنى كوز وفلولهم من امثال ام وضاح زعلانين من حكومة بنى كوز الافتراضية كييييف تطالب العائدين من اللاجئين بدفع رسوم عبور ،، ؟

عوض ابوشعرة
أو حتى القاعدين فى السودان الاتفننت سلطة الجبايات فى نهب الملاليم البسيطة اللى فى اياديهم ،، والمحبوسين داخل الوطن ،، !
طيب ،، انا سقت القصة دى ليه ،، ؟
سقتها علشان عايز اوضح حجم البلادة والغباء المستحكم فى اذهان هؤلاء ،، ولو أحسنا الظن نقول انهم يبيعون الهراء للفاقد التربوى والمخدوعين والذين فى نفوسهم طيبة اقرب للسزاجة ،، يعني نحنا في صفك يا مواطن لحدي ما ياسر كاسات يطلق الكيماوي الجديد حسب توصية حاج ماجد سوار الاخيرة ،،
هؤلاء يدعمون سلطة ما وضعت طوبه فى مشروع تنموى طيلة 35 عاما ،، ومنتظرين السماء تمطر فول وزبادي ،،
الكيزان ضيعوا كل موروثنا التنموى وقطعوا منو مساحة من الارض حين فصلوا الجنوب دون ان ترمش لهم اجفان ،، وفى الاخر قطعوا الطريق على حمدوك الذى استطاع فى وقت وجيز ايقاف التدهور وتثبيت العملة وتجفيف السوق الاسود للعملات واعادة النقد الاجنبي لمكانه الطبيعي في البنوك ،،
الان الحرب مدورة والداعمين للجيش من الدول المارقة او الدول الطامعة توقفوا عن الدعم خوفا من امريكا ،، يعنى كل يوم ترزلون ،، وده حالتو لسه لجنة ازالة التمكين واسترداد الاموال ما طلعت نشرة من نشرات فساد بنى كوز المتجاوز لكل الحدود ،، مع الحجز للاموال في كل قضية فساد مكتملة الاركان ،،
فشنو يا ام وضاح وتوابعها ،، انتو دعمتوا الحرب وداعمين لاستمرارها فخليكم راكزين لحدى ما شجرتكم الخبيثة دى تقع فى روسينكم بدون ما حد يهزها ،،
وبس يعني ،،