بقلم المستشار مهيد شبارقة
طالب جامعي طول السنة بجي الجامعة على كيفو وبدخل القاعة في نص المحاضرة وفي يوم من الأيام جاء لقى باب القاعة مقفول والأستاذ قال ليهم ممنوع الدخول من بعدي فدخل بكل صلافة وقعد لمن الاستاذ اندهش من تصرفاتو … أها حميدتي من 2013 يعني لمدة 10 سنوات شغال على كيفو يقول أقبضوا /#الصادق يقبضوا الصادق .. فكوا الصادق يفكوا الصادق .. شيلوا الفريق /#عصمت عبدالرحمن يشيلوا الفريق .. أقبضوا قائد المدرعات اللواء /#نصر الدين يقبضوهو طوالي ..
ولما قواته مشت مروي وبدون اي مقدمات شبكوا ليك التعليمات والأوامر و أمر التحرك لحدي ما حميدتي طش شبكة ما عرف نفسو في السودان ولا في الولايات المتحدة الامريكية ..
دي ياها قفلة الباب حقة الأستاذ . وزي الما الطالب تحول لمطرود .. تحول حميدتي بين ليلة و ضحاها من نائب رئيس مجلس السيادة وابن السودان البار الى متمرد مُطارد .
من ناحية متمرد فمليشيا قوات الدعم السريع متمردة من يومها ففي 2014 تم الإعتداء على (العميد) في الإستخبارات /#عصام مصطفى فأين كانت التعليمات و أين كان القانون .. ؟؟؟
غياب القانون أدى للتمادي والإعتداء على شرطة مدينة أبوحجارة في ولاية سنار في 2016 فلا مُحاسبة و لا إتهامات بالتمرد .. ولأن مليشيا الدعم السريع فوق القانون قامت بالإعتداء على (العقيد) في القوات المسلحة /#عبدالرحيم العوض بالشجرة في 2021 وتم ربطه بالحبال .. دا غير سلسلة إعتداءات على كافة الأطباء و الإعلاميين والسياسيين وبقية عامة الشعب .. ولكن حينها ورغم كل ذلك لم يتم وصفها بالمتمردة بل منحوها المزيد من الإمتيازات والمناصب والرتب العسكرية العليا …!!!
إذن هي قوات متمردة من يومها وليس من أبريل 2023 .
فالحقيقة إن قوات الدعم السريع لم تتمرد على تعليمات القوات المسلحة ولم ترفض الإنصياع لأوامرها ولم تتحرك بدون (أمر تحرك) .. فمن أيام البشير هي تتعامل مع سلطة القصر الجمهوري مباشرة يعني مع البشير بس (#حميدتي حمايتي) وبعد داك جاء بريهين ولغى المادة (5) من قانون الدعم السريع وتم الناقصة وقال ليهم (#إذهبوا فأنتم الطلقاء) و من ديك بقينا نسمع عبارة (الجيش و الدعم السريع) يعني جيشين (أحمد و/حاج أحمد) .. عشان كدا البرهان زاتو ما كان عندو مانع هو يوقع براهو وحميدتي يوقع براهو .. غأنا ما عارف ليه اليوم الناس ناكرة حكاية (#الطرفين) كدي أسألوا البرهان .
#الحقيقة الأخيرة هي إن مليشيا قوات الدعم السريع لم تتمرد على القوات المسلحة ولم ترفض تنفيذ أوامرها لأنها زي ما قلنا قبيل كانت(#مطلوقة) من يومها و الجيش ما عندو عليها اي سلطة فعلية .. ولكن في الواقع هي تمردت على (#الأجندة:بتاعت مشروع الحركة الإسلامية .. تقول لي كيف ؟..
#اقوليك من سقوط البشير كان لها القدح المعاة فث السيطرة العسكرية على الأرض وما زاد الطين بله هي عملية /#فض الإعتصام ويومها تم سحب السلاح من جنزد الجيش في القيادة والدعم السريع كان مستلم القيادة العامة والقصر الجمهوري والإذاعة والكباري من بدري وبموافقة برهان.. يعني حميدتي إستلم البلد كلها .. طيب ليه ما عمل إنقلاب ؟.. لأنو تلقائيا كان حاكم البلد فعليا فكيف حيعمل إنقلاب على نفسو ..؟؟!!
سيما ان الثقة كانت معدومة في الجيش بسبب الإنقلابات المتكررة من بعد الثورة.. فظهر إنقلاب رئيس هيئة الأركان الفريق كوز/#هاشم عبدالمطلب القال بلسانه عندما حقق معه حميدتي (#أنا حركة إسلامية .. )و إنقلاب اللواء /#بكرواي لاحقاً و غيرها .. وبرضو الثقة كانت معدومة إتجاه /هيئة العمليات المصنفة (#كمليشيا إسلامية) لذلك تم حلها .. وبعد داك ومع مزاحمة المدنيين (#القحاتة) كان لازم التخلص منهم بإنقلاب 25 إكتوبر .. و وطبعا الإنقلاب نفسه كان مدخل لعودة الإسلاميين وأصبح حميدتي امام سؤال مصيري (#إنت معانا ولا مع الخيانة ؟.) . فطبعا هم ما عندهم اي مشكلة مع حميدتي (كقوات متمردة) لكن التمرد دا لازم يكون لمصلحتهم .
إذن كل الحكاية هي تمرد على /#أجندة الإسلام السياسي لذلك وجد حميدتي الدعم من الإمارات ولذلك أيضا معسكر بورتسودان يرفض (#الرباعية) لانها تسعى /لإقصاء #الإسلاميين من المشهد السياسي .. ولذلك أمريكا فرضت عقوبات على المجرم (#علي كرتي) وليس على د/#حمدوك بحكم ان.كرتي عنصر أساسي في مشهد دعم الحرب لا يختلف عن البرهان و حميدتي .
فهي حكاية بائسة بعيدة عن (تعليمات) الجيش المظلوم والقانون المُغيب ودولة المؤسسات و طالمصالح الوطنية .
فكفاية إنك تشوف صورة العميد /#عصام مصطفى والدماء تسيل منه وكفاية إنك تشوف صورة /البرهان بوقع و حميدتي بوقع عشان تفهم الحاصل .. و/إتخيل لحدي الصورتين ديل الموضوع عادي .. فقط طالما عادي هو ذهاب الدعم السريع لمروي …!!!
