بكل فخر واعتزاز وللمرة التانية كان شرف كبير لي أكون مستشار فني لمنتخب الشرطة السوداني (ألعاب قوى) 🇸🇩
وفي ظل الظروف الصعبة والمعروفة الحاصلة في بلدنا الجريحة حابب أقدّم تحية كبيرة وشكر من القلب لكل اللاعبين الأفذاذ الرجال الواقفوا وقفة شجاعة في الملحمة القوية دي واللي شاركت فيها أكتر من عشرين دولة عربية ورفعوا علم السودان عالي بكل قوة وبسالة ومثلوا الوطن أحسن تمثيل
المشاركة جات متزامنة مع اجتماع الجمعية العمومية رقم (49) الانتخابية، واجتماع المكتب التنفيذي واحتفالية اليوبيل الذهبي للاتحاد الرياضي العربي للشرطة بجانب بطولة الشرطة العربية الأولى للجري الحر واللي اتنظمت في الدوحة خلال الفترة من 03 إلى 07 فبراير 2026م
وما بنسى أقدم شكر خاص وكبير لكل أفراد البعثة كانوا مثال للالتزام والانضباط والروح الواحدة
وشكر خاص جدًا لأخي وصديقي ودفعتي وطالبي سعادة الملازم أول والمدرب واللاعب الدولي الكابتن حمزة رزق الله ابن السودان البار الراجل الما قصّر وكان سند حقيقي في كل خطوة 👌
وكمان كل التحايا والتقدير لقبيلة ألعاب القوى في دولة قطر الحبيبة البلد العزيزة على قلوبنا ووجهة الرياضة العالمية وعلى رأسهم
الكابتن الدولي البدري سلام الكابتن عثمان والكابتن معز
الناس الوقفوا معانا خطوة بخطوة وكانوا قريبين من البعثة من لحظة الوصول للمطار لحدي المغادرة متابعة واهتمام ما قصّروا فيهو أبدًا
ولا يفوتني أقدم التحية والتقدير لأسرة السفارة السودانية بدولة قطر على دعمهم ووقفتهم المشرفة
نسأل الله العلي العظيم إنو يعم الأمن والأمان على السودان وكل بلاد المسلمين
وبوصي نفسي وكل الرياضيين بالاجتهاد والمثابرة والعمل الجاد عشان نرفع شأن الرياضة والرياضيين ونخلّي إرث مشرف لينا وللأجيال القادمة 🌹.
